للصمت فن وموكب الهرج سلطان

[محمد السراهيد الشراري]

align=center]السلام عليكم ورحمة الله وبركاته

اليكم هذه القصيده
واتمنى أن تحوز على رضاكم..

للصمت فن وموكب الهرج سلطان=وجنود ترضخ يوم تقراء الكتابه
وللعقل نظره دون رمشاً وعينان=تفقه شعور الذيب مع قو نابه
وللحر مخلب معه نظره وجنحان=من دونهن والله مابه مهابه
وللشعر في صدري معارك وميدان= وسيوف وخيولاً بعصر الصحابه
فيها النصر يسطع كما لمع الامزان=وفيها البحر غطى من المد غابه
وفيه الجفاء غنى ويزعج بالالحان=فريسته وصلن قصف في شبابه
وانا يجيش بداخلي مثل بركان =سوال مانبغى وراه الاجابه
فيه التعجب زوَد النفس حقران =ليه الزمن كلن يجرد ثيابه ؟
مع احترامي بالذي من قبل كان =كان ومضى واللحين فيه الكائبه
احسن نغني ليل ياليل انا دان=يقولها اللي فجت ابه الغرابه
والصمت كله ذل في بعض الاحيان=سولف وهز اللي يهزك جنابه [/align][/quote]

[محبوب]

صــــــــح السانك ونشهدانك وصلت مرحلة الابداع

من نشئتك وحنى نقرالك في منتدانا والحين كبرت وكبرشعرك

ماشالله عليك جدااهنيك على قصايدك

في امان الله

[محمد السراهيد الشراري]

صح الله بدنك والله لايهينك اخوي محبوب

وانا نشئت نشر شعري من هذا المنتدى الغالي علي ..

وانتم سبب وصولي الى هذه المراحل المبدئيه ..

لتشجيعكم ومتابعتك لي ..

دمت بخير ودام حضوركم المشرف لي ..

[حريق الروح]

شاعر يغرد على كل ميزان *** يطْرب على القيثار دان الربابه

هذا هو السراهيد ياخوان *** ماحدن يلوم القلب يومن عنا به

[محمد السراهيد الشراري]

الله لايهينك أخوي حريق الروح .. ولك جزيل احترامي وتقديري وشكري يالذيب على هالبيتين

بآرك الله فيك وتشرفت بهذا الحضور الراقي والمميز ..

دمت بخير .. ودام حضورك المشرف .