الكرسي الدوار

[حريق الروح]

هـــــــــــــــــــــــــــــــــــــــــــــــــ ـــــــــــاكم : -


كرسي يدور وهالجماعه طوابيــــــر *** كلٍ على كرسيه يخشى إنتزاعــــه

لا تطرد لدنياك تاكل خوابيــــــــــــر *** عف وتعفف وإطلب الله شفاعــــه

دنيا بها حنا ترونا مساييــــــــــــــــر *** مسيارنا لحظات وإن زاد ساعــــه

أحدن يطارد شاردات التفاكيـــــــــــر*** وأحدن نوى تنباع كل البضاعـــــه

يبيعها بالحلف والله مايصـــــــــــــير*** عساه بالساحات يغسل شراعــــــه

وأحدن وقف مع ريسه يدهن الســـير*** قصده دوامه مايجيله قناعـــــــــــه

اليوم متغيب وقبل أمس تأخيــــــــــر *** مريض نفسيا وذي يمكن طباعــه

بعض البشر ملهاه صوت المزاميــر*** ياحيف كيف المخ والله فضاعــــه

وبعض البشر مدمن لشرب القوارير*** عن مساجد الرحمن معلن قطاعــه

وأحدن حياته كلها نور وتباشيــــــــر*** ياحظ منهو قال له سمع وطاعـــه

ووحوش غاب كل أبوهم هوامــــــير***وضعيفهم إن قام تكسر ذراعـــــــه

حول البنوك يطاردون الدنانيـــــــــر*** دام المؤشر زاد فيه ارتفاعـــــــــه

حامت عليهم حايمات العصافيــــــــر*** كن العرب حلت عليهم مجاعــــــه

هاذي حياتن كل أبوها محاذيــــــــــر*** الشاطر اللي لها يعلن دفاعـــه

[امل@]

كرسي يدور وهالجماعه طوابيــــــر *** كلٍ على كرسيه يخشى إنتزاعــــه

لا تطرد لدنياك تاكل خوابيــــــــــــر *** عف وتعفف وإطلب الله شفاعــــه

دنيا بها حنا ترونا مساييــــــــــــــــر *** مسيارنا لحظات وإن زاد ساعــــه

أحدن يطارد شاردات التفاكيـــــــــــر*** وأحدن نوى تنباع كل البضاعـــــه

يبيعها بالحلف والله مايصـــــــــــــير*** عساه بالساحات يغسل شراعــــــه

صحيح انك قلت وابديت تقرير ....هذا اللي حاصل ومافيه ادنى مناعه
ربعا ذبحهم جمع المال توفير...... وبعضهم بسراف وسفر وصياعه
ندعي لهم رب السموات بالخير........ ربٍ رحيم يغير الفكر ســاعه
عصرغريب وتلقى مليون تبرير....لكن عسى ربي يمنحنا القناعه

شكرا لك اخي العزيز حريق الروح وصح لسانك

[حريق الروح]

بسم الله الرحمن الرحيم

صح بدنك يا أخت ,, وبالمناسبة

شكرا على المجاراة في القصيدة

[((خبر عاجل))]

صح لسانك ياحريق
قصيدة جميلة

[محمد السراهيد الشراري]

بارك الله فيك

وصح صح صح لساانك

ابيات رائعه من شاعر اروع .

فيها من الحكمه والنصح والسوال عن بعض الحقوق الضائعه

الله يعطيك العأفيه يالقرم ..

أختي أمل مفرداتك رائعه وانا متابع كل ماتخطين من ابيات ..

ولكن اجد بأنها ينقصها بعض الوزن .. والوزن اختي امل مايبي له شي .. وراح تتعلميله

واذا تعلمتي له راح تكونين شاعره قليل من يكتب مثلها .. اتمنى منك اختي امل تراجعين وتعلمين الوزن .

وانا وكل الشعراء يمر بمثل ماتمرين عليه بالبدايه ولكن مع الممارسه والتعلم راح يتقن هالشي ..

دمتم بخير واسف على المداخله ..

[حريق الروح]

شرف لي مرور من مر وزاد الشرف مرور الشاعر السراهيد

للعموم مني أفضل تحيـــــــــــه