●|| لهـــفتي مَــاآآآتـــت®~

[نوض سدير]

/ ـ


\

/



..~ الصـوت هنـآ ~..

http://www.alqsed.com/file-5459.ram

.:: الرابط ::.







http://www.alqsed.com/file-5459.ram

http://www.rofof.com/img3/9hqlfz4.jpg (http://www.rofof.com)






/




\

/






/

\

/







للزمان اللي تعود يبخل وماهوب وافي

للأماني اللي عرفتني من كثر ماني بغيت



للهموم اللي ارهقتني في مجيي وانصرافي

للعذاب اللي بلاني كلما نمت وصحيت





للجروح اللي غزتني وبيحت ماكان خافي

للظنون اللي لعبت بي كل مارحت ولفيت





للغموض اللي اكتنفني والذهن ماهوب صافي

للطريق اللي وطيت اشواك دربه ماشكيت





لاغترابي اللي خذاني لابعد حدود المنافي

للسراب اللي اشوفه واطرده لين ابتليت





جيتك

وحسيتنا ان الأمْر خالطه اختلافي

جيتك
وياليتني ردتني خطاي وبقيت








لهفتي ماتتومات بموتها صوت ارتجافي

والخفوق الله يكافي لابكى جرحي بكيت





بعد حب سنين شلته كله اسرار وخوافي

بعدما اعطيتك عيونٍ مالحد غيرك عطيت





آهـ .. ماأقساه واقسى احساسي اللي كان دافي

ومااقسى وقتي اللي حرم عين العنا طعم المبيت





كم // وكم كنت اتمنى ترجع اوجاعي عوافي

بعدما ضاق الزمان وغاربي جرحي المميت





الهدب باسباب همي شاخص(ن) ماهوب غافي

والطريق اللي غفرلي ماغفر يومي خطيت





خايفة مستقبلي المجهول لو يصبح عجافي

وخايفة لوقيل بكرة منك يابنت (اكتفيت)





خايفة جرح العيوف وخايفة هم يشافي

وخايفة من شي يحصل في غيابي مادريت





كنت احس البرد سيف والقدم دامي وحافي

جد انا اللي ارخصت نفسي يومي بجرحي رضيت





بداخلي صوت يقول لمشهد التجريح كافي

يومه يقول لخفوقي ليه حبيت وهويت ؟ !





كان ودي انك تثمن رحلة الشوق وتكافي

وكان ودي انك تحس بخافقن عيا يبيت





مابقالي غير جرح موحش وليل و قوافي

راحت سنيني حسايف مانفعني قول




(ليت)

/




\

/




لِـ قلوبـــكمـــ .


http://www.snnam.com/vb/images/smilies/srose3.gif








[/color]

[حريق الروح]

نوض سديــــــــــــــــر

إن هذا النص الجميل الذي سمعته وقرأته . تعجبت من نفسي ماذا عساني قائلاً

بعد كل تلك الأحاسيس الصادقه الملموسة فيه , ولكن أين هذا القلم الذي كأنه قادم

من القمر . ما أعذب مايكتب !!!

مع التحيــــــــــــــــــــــة

[ابومي]

مشكور يالغالي
كلمات روعه وتنسيق حلو

[المراقب العام]

صح لسانك ياشاعرتنا الكبيرة
تقبل اعجابي بقلمك وشعرك
والحمدلله على رجعتك لمنتدانا الحبيب

[امل@]

للزمان اللي تعود يبخل وماهوب وافي


للأماني اللي عرفتني من كثر ماني بغيت




للهموم اللي ارهقتني في مجيي وانصرافي



للعذاب اللي بلاني كلما نمت وصحيت


الله عليك غاليتي
قصيدة فيها معنى كبير وواضح

[محمد السراهيد الشراري]

كم // وكم كنت اتمنى ترجع اوجاعي عوافي



بعدما ضاق الزمان وغاربي جرحي المميت



الهدب باسباب همي شاخص(ن) ماهوب غافي


والطريق اللي غفرلي ماغفر يومي خطيت

لاهنتي اختي نوض سدير

قصيدة رائعه من شاعره معروفه بالروائع ..

وعوداً حميداً ..

واقتباسي للبيتين لاينقص من جمال وروعة القصيده بشي . ولكني شدتني .

نتمى تواصلك .. وان نرى كل جديدكـ .

دمتٍ بخير

[تبوكــkــي]

مبدعة ومتالقة
صح لسانك اختي

وصباح الخير
وصياما مقبولا وذنبا مغفورا

[المشرف العام]

للغموض اللي اكتنفني والذهن ماهوب صافي


للطريق اللي وطيت اشواك دربه ماشكيت
وَ
بداخلي صوت يقول لمشهد التجريح كافي

يومه يقول لخفوقي ليه حبيت وهويت ؟ !



رائعة جدا من شاعرة رائعة وكبيرة ومتميزة
كنوض سدير
صح لسانك

[مالك]

لاهنتي على الابداع الرائع والجميل ماقول الا صح لسانك