الشاعر د. صالح الشادي

[البنت الشماليه]

سلام الله على الاوطان


للشاعر صالح الشادي


سكون..
ولاضجيج إلا صراخ أطفال باكستان..
ومدافع تقصف (الجيران )..
وجوع يصيح في السودان.

هدوء..
وثكلى مالقت جثت ولدها..
وطفلة تنزع أظفار المنايا روحها..
وتهجر مهدها.
وصداع يهدم الجدران ! .

سلام..
وناس تنام ..
وناس مالقت مرقد ثلاث أيام..
وعين تودع الفرحة ..
وعين تعانق الأحزان .

سلام الله على الأوطان .

(*)

بعد أيام عيد الفطر..
تهانينا بعيد الفطر يا أهل العيد .
تهانينا بنهار الزاد والسكر ..
وطعم العيد .

يقولوا عيد ..
وأقول الله يعين العيد ..
إذا هو بيحتفل فينا ..
وحنا مو معاه .. بعيد ! .

يقولوا عيد ..
وأقول أرجوك ياجاري ..
تحمل كشرتي لوما قدرت أكْذب صباح العيد.

ولو ماقلت لك مبروك
وجيتك حامل همي على وجهي ..
بلا ضحكة و لا تغريد !

وش التغريد ..؟
لاصار الظهرومكسور ..
ولاصار الفرح محذور
ولاصرنا وسط حزن الفراغ ندور ياجاري ..
وش التغريد ؟! .



وش التغريد ..
وانت مو جسد واحد ..
كثير أجساد!
بعضك في يد الجلاد
وبعضك في هرب وطراد
وبعضك عايش الغربة
وبعضك عايش التشريد ياجاري ..
وش التغريد ؟!

تجاوز كذبة التغريد والالحان ..
تجاوزني ..
وتأمل وش يصير الآن ..؟
سلام الله على الأوطان .

(*)

تعالي ..
وين حضنك وين يا الراحة
تعالي ..
واخطفي هالياس من حضني .. ولميني .

تعالي ..
وامطري فوق اليباس اللي فدع فيني
وخذيني فوق بهطولك..
ألين الشعر يضويني.

أبيه العالم اللي مابعد شفته ..
أبي وجه الزمن الأبيض ..
وحلم مابعد عشته ..
ولا متعت به عيني .

أبي صبح مثل وجه الحبيبة غير ..
يسابقني عليه الطير ..
يبعثرني ..
وأبعثر به دواويني .

أبي أرتاح من دوامة التفكير في التفكير
من الساعة ..
من الواقع .. من التفسير وأوجاعه ..
وأبي أرتاح من نفسي ..
ومن ويني !؟ .

تعالي ..
وأدري إنك لوتجي ، بيخونك العنوان
لأنه مابقى عنوان للراحة ..
ولا انسان ..
سلام الله على الأوطان

[الطالبB]

الله يعطيك العافية

والله يابنت الحلال الشاعر هذا ماني مقتنع فيه
مدري احس انه عااااااااااااااادي

على العموم الله يعطيك العافية على مجهودك

[ولـدالقـريات]

الشاعر صالح الشادي من مواليد القريات
وقد درس مراحل التعليميه فيها الا ان خرجة موهبتة الشعريه ورحلو هو وأهله لا أعلم ما هوى السبب فهوى من شعرا ئنى الذين نفخر بهم وقصا ئدة جميله وشكرا على القصيدة الجميلة

[mbrm]

الشادي مبدع دائماً بقصائده الرومانسية ولا يتذوق قصائده الا النخبه

[النــديم]

يعطيك العافيه
البنت شماليه
على تقديمك القصيدة الرائعه
لشاعر المبدع د. صالح الشادي ..
ولك اجمل تحيه,,,,,,,,,,,,

[سعود السمحان]

صح لسان شاعرها المبدع صالح الشادي

ولكي كل الشكر البنت الشماليه على النقل والذوق الرائع

صالح الشادي من اهل القريات وشاعر غني عن التعريف

وعدم قناعة البعض بصالح الشادي لن تقلل من شعبيته عند من يتذوق الشعر

فالناس أذواق في أختياره وقناعته كلاً حر برأيه . لكن ؟

تمنيت أن لايذكر أحد عدم قناعته بالشاعر فالأحتفظ بمايسكن القلب تجاه الأخرين شئ رائع

أتمنى أن يكون من صفات هذا المنتدى الشامخ . وعدم التجريح وأحترام اذواق الأخرين .

أمنيه لي فقط اتمنى أن تتحقق

لكي كل الشكر شماليه على ماتطرحين لنا

تقبلي تحياتي وتقديري