خلف الاسيد وطعنة الليالي

[الجارف]

طعنة الليالي

تعال وانهب ما بقابي من احسـاس
خذ حصتك ياذيـب بيـن الذيابـه
ياذيب انا ماني مثل باقـي النـاس
راحت حياتي كـل ابوهـا نهابـه
راحت كذا مابيـن دايـس ودواس
طعنةليالـي والليـالـي تشـابـه
ماعاد تفرق لو غدى الجوهر نحاس
عندي تسـاوت كوبتـه والمهابـه
هجرت سوق الحب واعلنت الأفلاس
والمـارد المفتـوح صكيـت بابـه
قلباً طواه الشوق وغصون يبـاس
مابللـت شوبـة ضمـاه السحابـه
يكفيه ما عنـاه مسـرى ومنكـاس
مع بارقاً يشبـه حضـوره غيابـه
وقفت اعزي فيـه واقـول لابـاس
جرح الهوى لا بد يبـرى صوابـه
لحظة صفا مدري هواجيس وسواس
مير الوكاد اقنعت حضـرة جنابـه
ياذيب ما باقي سوى هومة الـراس
تختـال بايـام الصبـا والصبابـه
ياذيب ماهانت ولا صابهـا يـاس
شفها على القمه بصـدر الرحابـه
ما تنحني لو حاصروها بلاقـواس
فيها الشموخ اكبر من الكون نابـه
مقياسها يفرق عن الفيـن مقيـاس
فـي عالمـاً كلـه همـوم وكأبـه
دورات وقتاً ضيقت مجرى الأنفاس
فيه الوفي راحـت حياتـه نهابـه

الشاعر خلف الاسيد

[المستشار]

صح لسانه
ويستاهل التصويت
وش هالدعاية من ورانا يالجارف
اخوكم
المستشار

[الجارف]

ايه يالمستشار
بدينا الحمله الاعلاميه للشاعر خلف الاسيد
مشكور على مرورك يالغااالي

[محمد السراهيد الشراري]

الشاعر الكبير /خلف الاسيد

شاعر غني عن التعريف

وهو اللذي اخذ جائزة روتانا

[حزن القريات]

بالتوفيق لمرشحك بالمسابقه اخوووي الجاررف
وصح لسااانه ولا عدم

[فهووودي القريات]

يعطيك العافية على الأبيات الرائعهمن معبرة من أحاسيس الشاعر خلف الاسيد.
وترى عليها فلووووس ترى أصير شااااعر.
فهووودي...

[كليـ ذووقـ ,,]

اجل بديت الحمله الاعلانيه لخلف الاسيد يالجارف
بالتوفيق ان شالله للجميع

[حريق الروح]

هذا خلف لا تكثرون الأقاويل **** ابن الأسيد لحبكة القاف دكتور

هذا خلف ياعازفين المواويل **** يسطي على هذ القصيده بلا شور